నార్త్ అమెరికా (అమెరికా, కెనడా), యూరప్ లలో ప్రతి సంవత్సరం అక్టోబర్ 31 (ఈ సంవత్సరం ఆదివారం రోజు)న హాలోవీన్ జరుపుకుంటారు. పిల్లలు, పెద్దలు రక రకాల కాస్ట్యుంలు ధరించి సందడిగా గడిపేస్తారు. అసలీ హాలోవీన్ ఏమిటో, ఈ విచిత్ర వేషధారణ వెనకాల ఉన్న కథ ఏమిటో తెలుసుకుందాం.
కథ కమామీషు:
దశాబ్దాల నాటి చరిత్ర ఉన్న ఈ హాలోవీన్ యూరప్ లో మొదలైంది. అక్కడి వారికి ఒక నమ్మకం/మూఢ నమ్మకం ఉండేది. హాలోవీన్ రోజున, చనిపోయిన వారి ఆత్మలు భూమి మీదకు వస్తాయని. సరే, వచ్చిన ఆత్మలు ఊరికే ఉండవు కదా? తమ ఇళ్ళ దగ్గరకు వచ్చి పట్టి పీడిస్తాయని వీరి నమ్మకం. అందుకని, ఆ ఆత్మలు తమను గుర్తు పట్టకుండా, రక రకాల వేషాలు, మొహాలు కనపడకుండా మాస్కులు ధరించి, తమ ఇళ్ళ నుంచి బయటకు వచ్చి గుంపులు గుంపులు గా తిరిగేవాళ్ళు (ట). యూరోపియన్లు అమెరికా కు వలస వచ్చిన తర్వాత ఈ సాంప్రదాయం ఇక్కడ కూడా మొదలైంది.
దాదాపు నెల రూజుల ముందు నుంచే, షాపుల్లో వెరైటీ కాస్ట్యుంలు అమ్ముతుంటారు. పిల్లలే కాదు, పెద్దలు కూడా ఈ కాస్ట్యుంలు ధరించి పార్టీలకు, పెరేడ్ లకు వెళతారు.
కొన్ని ఆఫీసుల్లో ఉద్యోగుల మధ్య కాస్ట్యుం పోటీలు నిర్వహించి, బెస్ట్ కాస్ట్యుం కు ప్రైజ్ మనీ కూడా ఇస్తారు.
ఇక పిల్లల హడావుడి కి అడ్డేముంది..సంవత్సరం ముందు నుంచే , వచ్చే హాలోవీన్ కు ఏయే కాస్ట్యుంలు కొనాలో ప్లాన్ చేసే చిచ్చర పిడుగులున్నారంటే అతిశయోక్తి కాదు.
చెక్కిన గుమ్మడి కాయ ఆకారంలో ఉన్న ఇలాంటి ప్లాస్టిక్ బకెట్ లు పట్టుకుని "ట్రిక్ ఆర్ ట్రీట్" అంటూ పరుగులు పెడతారు. ఈరోజున తమ ఇళ్ళ దగ్గరకు వచ్చే చిన్నారులకు చాక్లెట్లు, కాన్డీలు, చిన్న చిన్న ఆట బొమ్మలు పంచి పెడతారు. ఇదే "ట్రిక్ ఆర్ ట్రీట్".
మా ఇంటి దగ్గరున్న చర్చి ఆవరణలో పెరేడ్ జరుపుతారు. చర్చి వాలంటీర్లు పిల్లలు ఆడుకోవడానికి వీలుగా, ఇంఫ్లేటబుల్స్ ఏర్పాటు చేస్తారు. అందుకే, మా పిల్లలు కూడా చర్చి పెరేడ్ కు వెళ్ళడానికి బాగా ఇష్టపడతారు.
ప్రతి సరదా సందర్భం వెనుకా, ఒక ప్రమాదం ఉన్నట్లే (దీపావళి పండుగలో చేతులు కాల్చుకునే ప్రమాదం ఉన్నట్లు), ఇక్కడ కూడా ఒక సమస్య ఉంది. ముఖ్యం గా పిల్లలను "ట్రిక్ ఆర్ ట్రీట్" కు పంపేటప్పుడు.
అమెరికాలోని బ్లాగ్ మిత్రులకు కొన్ని సూచనలు:
1 ) పిల్లలను ఒంటరిగా పంపకండి.
2 ) అపరిచితుల ఇళ్ళకు, రోడ్డుకు కొంత దూరంగా, కాస్త విసిరేసినట్లు ఉండే ఇళ్ళకు అస్సలు పంపకండి.
(అపరిచితుల ఇళ్ళ దగ్గరకు పెద్దల తోడు లేకుండా వెళ్ళిన పిల్లలు ఎదుర్కునే పరిస్థితులను టివి లలో చూపుతుంటారు. వాటి వివరాల్లోకి నేను వెళ్ళదలచుకోలేదు.)
3 ) వీలున్నంత వరకూ, జనం బాగా ఉండే ప్రాంతాల్లో జరిగే పెరేడ్ లకు తీసుకెళ్ళండి. అదీ, పిల్లలను, మీ కనుచూపు మేరలో ఉండేలాగా చూసుకోండి.
దీనికి, మేము కనిపెట్టిన ఒక ఉపాయం, మా పిల్లలను చర్చి పెరేడ్ కు కానీ, దగ్గరలోని మాల్ కు కానీ తీసుకెళ్లడం. మాల్ కు వెళ్ళడం వల్ల రెండు ఉపయోగాలున్నాయి. ఇక్కడ ఎక్కువ మంది ఉండడం ఒకటైతే ,ఎలాగూ, అక్టోబర్ చివరి వారం వచ్చే సరికి వాతావరణం బాగా చల్లబడి పోతుంది. మాల్ లో అయితే, సెంట్రల్ ఎయిర్ కండీషనర్ మూలంగా వెచ్చగా ఉండడం రెండోది.
మీ దగ్గరలోని మాల్ లో సంప్రదించండి. "ట్రిక్ ఆర్ ట్రీట్" టైమింగ్స్ చెప్తారు.
ఇండియా లో కూడా ఈమధ్య కాలం లో హాలోవీన్ సెలబ్రేట్ చేసుకుంటున్నారని విన్నాను. అది నిజమైతే,
ఇండియా లో కూడా ఈమధ్య కాలం లో హాలోవీన్ సెలబ్రేట్ చేసుకుంటున్నారని విన్నాను. అది నిజమైతే,
మీకందరికీ , "హ్యాపీ హాలోవీన్"!
ఎంజాయ్ చెయ్యండి మరి.
~శశిధర్ సంగరాజు.
4 comments:
శశీ,
ప్రతి సంప్రదాయానికి వెనుక అంధ విశ్వాసం ఉన్నట్లే శాస్త్రీయ కోణం ఉంటుందన్నది నా నమ్మకం. హాలోవీస్ కూడా.. ఇలాంటిదే అయి వుంటుందన్నది నా భావన. ఏది ఏమైనా.. విదేశాల్లో జరుపుకునే సంబరాల్లో ఒకదాని గురించి తెలియ చెప్పినందుకు ధన్యవాదాలు.
విజయ్
విజయ్ గారు,
ఈ హలోవీన్ శాస్త్రీయ కోణం గురించి నాకు పెద్దగా తెలియదు కానీ, సరదా, సందడి మాత్రం పుష్కలంగా ఉంటుంది.
కామెంట్స్ పంపినందుకు థ్యాంక్స్.
~శశిధర్
Good and simple intro Sasi!Thanks!!This basicaly ties to the Harvest coming home also.
Naaku idi Dasara la anipistundi.
Regarding cations, yes! mall is a sure and safe shot and also one more thing to take care of is the masks..be sure that the kids are able to see after having masks on :-))) Can't wait anymore to see all the buzz my Sasanka si gonna make as IRON MAN...
@sree
Thanks a lot for the comments. Appreciate it. Yes, you are right about masks. Good Point.
Thanks
~Sasidhar
Post a Comment